Liber, i, nitidas celerem te confer ad arces

      Praesulis; I docti principis ante fores.

Quid dubitas ne te tetricae discrimina frangant

      Turbae, vel rigidi probra supercilii?

5

An scombris tunicas renuis thurique cucullos

      Pascere vel scabras sordidulus tineas?

An te difficiles remorantur cardine postes?

      Nullla mora est, licet hinc officiosus eas.

Non est qui ignavos teneat foveatque clientes

10

      Gaudeat aut vastis turgidus agminibus.

Quin potius sanctos illic mirabere mores.

      Nec qui difficilem te tibi praestet erit.

Verum ut te sacratis primum tete vultibus offers.

      Concidis et docti flaminis ante pedes.

15

Excipiet pronum castis amplexibus. Inde

      Perleget et docto protegat ingenio.

Dum tamen a sacris manibus tractabere, praesens

      Ista velim memori pectore verba feras.

Dant alii fulvi certatim vena metalli

20

      Gemmas et trivio vellera tincta fuco.

Concretas glacies massylaque robora et orbes

      Raraque Erithraei munera quoque soli.

Iste per exiguo tibi me properavit honore

      Iussit et imsignem nominis esse tui.

25

Quod licet exiguum testetur muneris auctor.

      Addidit ast mentis pignora firma suae.

I liber et nitidas celerem te confer ad arces

      Praesulis et docti principis ante fores.

Explicit

Salvete o nimium celebres Aganippidos undae

Tuque novena cohors.

Salvete o nimium faciles vatesque sorores

Alma Iovis soboles.

5

Vos agitis placidos per amoena silentia cantus

Munere perpetuo.

Vos nutriunt teneris Poebi certamina nervis

Carmine blandidulo.

Efficite ut nitidos libemus parciter amnes

10

Fontibus Aoniis

Indeque festivis nugamue nos quoque pratis.

Lusibus ingenuis.